[ POEM } Na Rok Mujhe Aaj

Na Rok mujhe aaj, apne kareeb aane de.

Meri saanson ko apni saanso me ghul jaane de.

Teri palkon ke tale ek aashiyaan banaana hai,

Apni aankhon mein tu mujhko bas jaane de.

Teri kaamyaabi ka suraj bankar chamakna hai,

Apni baahon mein fir mujhko dhal jaane de.

Tere dil ko apna baseraa banaana hai,

Apni dhadkon se mujhko jud jaane de.

Tere labon par mujhe thirakana hai,

Apni muskaan mujhe ban jaane de.

Har pal tere saath mujhe beetana hai,

Apni parchaayi mujhe ban jaane de.

Samaaj ke bandhano ka darr nahi mujhe,

Aaj mujhe khuda se bhi lad jaane de.

Kisi rishte ka na dena waasta mujhe tu,

Aaj har rishte se anjaan ban jaane de.

Hai agar ishq ek aag ka dariya toh sanam,

Aaj mujhe ishq ki aag mein jal jaane de.

Na rok mujhe aaj, apne kareeb aane de.

Meri zindagi ko apni panaah mein kat jaane de.